الإثنين 15 يوليو 2024

افضل طريقه لتخزين السبانخ

افضل طريقه لتخزين السبانخ

موقع أيام تريندز

ده أحسن وقت لتخزين الخضار لانه
بيسمى (ربيع الخضروات) لان أكتر موسم الخضار بيبقى متنوع وبيبقى تحفة وكمان بقى سعره معقول عن وقت نزوله

السبانخ من الخضروات الورقية اللى بتدخل فى أكلات كتير جداً مش بس لازم تطبخ دى كمان بتدخل فى المعجنات زى الفطائر والسمبوسة وطبعاً قيمتها الغذائية عالية
طيب فى كتير للأسف بيشتكوا إن ليهم تجربة سابقة فى تخزين السبانخ ولما بيطلعوها بيكتشفوا إنها مُرة ومش زى الطازة أبداً الطعم طيب المشكلة فين أكيد فى طريقة التفريز
أولاً:
إزاى نختار سبانخ بجودة كويسة كل ما كانت صغيرة فى الحجم والجزور بتاعتها لونها يميل للأحمر دى بتبقى ممتازة
ثانياً:
طريقة التخزين بننقعها وبنغسلها كويس جداً ونقطعها ونكون محضرين مياة ساخنة على الڼار بس المرة دى مش حننزل بالسبانخ فيها إحنا حنسويها على البخار بإستخدام حلة بخار او حلةكسكس أو مصفاة معدن وحلة عادية المهم المياة تكون لا تلامس المصفاة مباشرة وحتلاحظوا إن حجم السبانخ قل بس كمان محافظ على لونه ونقلبه من وقت للتانى علشان ياخد نفس التسوية ونسيبها من ٣ إلى ٤ دقائق وبعد كده نشيل المصفاه لحد ما السبانخ تبرد تماماً ونُحطها فى أكياس تلاجة ونقفلها كويس بعد ما نفرغ منها الهوا



وعند خروجها للطبيخ بنخرجها من الفريزر على الڼار على طول
ملاحظات هامة:

١- يفضل التقطيع بعد الغيسل علشان نحافظ على القيمة الغذائية للسبانخ وده لجميع الورقيات
٢-الجزور الحمرا نحافظ عليها مع السبانخ لإنها بتدى نكهة حلوة ومسكرة للسبانخ
٣- الحالة الوحيدة اللى بنسيب فيها السبانخ بعد ما بنخرجها من الفريزر تُفك من التجميد هو إستخمدنا ليها فى المعجنات علشان بنصفيها بفوطة مطبخ كويس جداً من أى سؤال زيادة ممكن تُضر العجين
٤- لو مش متوفر حلة بخار او حلة كسكس او مصفاة معدن حننزل بالسبانخ فى حلة ساخنة من غير أى سوائل او أى مادة دهنية علشان تاخد صدمة وتنزل السوائل مع التقليب ونسيبها دقيقتين وبنخرجها ونسيبها تبرد ونخزينها بنفس الطريقة ودى طريقة بديلة للتخزين بالبخار
وبجد عن تجربة لا حتلاقوا مرارة فى الطعم ولا تغيير فى أى شئ وحتلاقوا سبانخ مسكرة زى الطازة بالظبط
قوليلى بتخزنوها إزاى